Një rrahje e shoqëruar me të shtëna me armë zjarri ka ndodhur sonte në rrugën “Vëllezërit Gërvalla” në Ferizaj.

Sipas Policisë, përveç përleshjes fizike ndërmjet dy personave, në vendin e ngjarjes janë dëgjuar edhe të shtëna me armë.

 Si pasojë e rrahjes, një person ka pësuar lëndime trupore, por jo nga arma e zjarrit, tha zëdhënësi i Policisë për rajonin e Ferizajt, Kanun Veseli.

Tutje, ai bëri të ditur se në vendin e ngjarjes është gjetur dhe sekuestruar një armë zjarri, si dhe tri gëzhoja.

Një person është shoqëruar në stacion policor, ndërsa i dyshuari tjetër është identifikuar dhe ndodhet në kërkim.

Një nga personat e përfshirë dyshohet të jetë reperi Betim Januzi, i njohur me emrin artistik Buta.

Shënim: Personi/personat e përmendur në këtë artikull, prezumohen të pafajshëm deri në një vendim të formës së prerë nga gjykata.